Manzil to (Edited)

Manzil to…
Woh taswur hai !!!
Jise… Humein apne
Jazbon se
Buland Iradon se
Fauladi haathon se
Taraash kar…
Apne jeene-marne ka
Safar tai karte hain !!!

Woh Safar
Jispe hum taa zindagi
Gir pardte
Hilte marte
Chalte to hain !!!
Par inmein …
na Woh jazbein hain
na Woh ettihad hai
Jiski humein darkar hai

Mere taswur ki yeh Manzil
ek bewafaa ashiq ke manind
Muskura kar !!!
chupke se mujhse kehti hai
safar abhi asaan nahi
Manzil kahin pass nahi
Irade abhi buland nahi
Iman abhi pukhta nahi

Arz hai us khuda se
Jisne yeh qayanaat banayi,
kamiyan meri puri karde,
Safar mera asaan karde,
Manzil ka woh taswur mera
Ab tu mukkamal karde !!!
Ab tu mukkamal karde !!!


ياسر بن طيب

Manzil to…

Manzil to…

woh pathar hai !!!

jise…

Himmat ke jazbon se

Iman ki pukhtagi se

Irade ke bulandi se

Taraash kar…

Fauladi haathon ko

Apne jeene ka

Apne marne ka

Safar tai karna hain.!

Woh Safar

Jisse hum taa zindagi

Gir pardte

Hilte marte

Chalte hain !!!

Jinmein …

na alami jazbein hain

na fauladi iradein hain

na quami ettihad hai

na awami himmat hain

Manzil ek bewafaa ashiq ke manind

Muskurati hai

umeed dilate to hai

par mere qareeb ake

chupke se mujhe se kehti hai

safar abhi mukamal nahi

iradon ki bulandi mein

iman ki pukhtagi mein

kamiyan bahut hain

kamiyan bahut hain

Arz hai us khuda se

Jisne qayanat banayi

Safar mera mukamal karde

Safar mera mukamal karde

ياسر بن طيب

woh zindagi hi kya

jiski manzil na ho

.woh manzil hi kya

jo khudgarz ho